கற்க தமிழா

சிறுவர்களிடையே புத்தகம் படிக்கும் பழக்கத்தை ஏற்படுத்தவும், நூலகத்திற்கு சென்று புத்தகங்களை தேர்வு செய்யவும், இந்த புத்தகம் ஒரு சிறந்த வழிகாட்டியாக இருக்கும்.

விடுமுறைநாட்களில் வீடியோ கேம் விளையாடும்” நந்து” என்ற சிறுவனை அவனது அம்மா நூலகத்திற்கு அழைத்து செல்கிறார். அங்கு அவன் ரகசிய நூலகம் ஒன்றை கண்டுபிடித்து அவன் நண்பருடன் சென்று வருவதாக கனவு காண்கிறான்.

அந்த கனவினை ”சாக்ரடீஸின் சிவப்பு நூலகம்” என்ற பெயரில் புத்தகமாக வெளியிடுகிறான் என்பது கதையின் சுருக்கம்.

நந்து நூலகத்திற்கு செல்லும் அங்கு அவன் சந்திக்கு விலங்குளும் அவர்களுக்குள் நிகழும் விவாதங்களும் சிறுவர்கள் ரசிக்கும் வகையில் மாயாஜாலம் நிறைந்ததாகவும் அதனை விவரித்துள்ள விதம் நாமும் அவனுடன் பயணிப்பது போன்ற அனுபவத்ததை ஏற்படுத்துகிறது.

இதுவரை நூலகத்திற்கு செல்லதாவர்கள் கூட இந்த புத்தகத்தை படிக்கும்போது நூலகத்திற்கு சென்று வந்த அனுபவத்தை ஏற்படுத்தும் வகையில் கதையின் போக்கு அமைந்துள்ளது.

சிறுவர்களுக்கு புத்தகங்களை படிக்கும் ஆர்வத்தை ஏற்படுத்தவும், எந்த வகையான புத்தகத்தை எப்படி தேர்வு செய்வது என்பவை குறித்து எளிமையாக கதையின் வாயிலாக எடுத்துரைக்கப்பட்டுள்ளது.



சரிங்க, இப்பொழுது இந்த புத்தகத்தில் இடம்பெற்றுள்ள சில சிறந்த வரிகளை நமக்கு எழும் கேள்விகளின் பதில்களாக பின்வருமாறு பார்போம்.






இந்த புத்தகத்தில் இடம்பெற்றுள்ள சிறுவர்கள் ரசிக்கும் குட்டிக்கதைகள்:
1. ”தேன் கதை”-தவறுகள் சிறியதாக இருக்கும்போதே தீர்வு காண வேண்டும்.
2. ”கழுதை புலியைக் கொன்ற கதை”-யாரையும் உருவத்தை வைத்து கேலி செய்யக் கூடாது.

மேலும் சிறுவர்கள் கெட்ட வார்த்தைகளை பேசக்கூடாது என்றும், வீட்டில் நூலகம் அமைப்பது குறித்தும், புத்தகம் எழுவது குறித்தும் தெரிவித்துள்ளார்.

மொத்ததில் 55 பக்கங்களில் புத்தகம், நூலகம் குறித்த ஒரு தகவல் களஞ்சியமாகவும், புத்தகம் படிக்கும், நேசிக்கும், பாதுகாக்கும், எழுதும் ஆர்வத்தை சிறுவர்களிடையே ஏற்படுத்தும் விதமாகவும் அமைந்துள்ள ”சாக்ரடீஸின் சிவப்பு நூலகத்திற்கு உங்கள் வீட்டு சிறுவர்களுடன் நீங்களும் செல்ல முயற்சியுங்கள்.”